Бүген 14.00 сәгатьтә Габдулла Тукай әдәби музеенда бөек татар шагыйре Габдулла Тукай нәселенең дәвамчылары белән очрашу оештырыла.

Г.Тукай әдәби музеенда кызыклы экскурсияләр, музей бәйрәмнәре уздыру белән беррәттән, фәнни-тикшеренүләргә дә зур игътибар бирелә. Шагыйрь һәм аның даирәсе белән бәйле экспонатлар өйрәнелә, шуның нәтиҗәсе буларак матбугатта мәкаләләр басыла, фәнни хезмәткәрләр һәм музейга килүчеләр кулланыр өчен китапханә туплана, дип хәбәр итә музей хезмәткәрләре.

2011 елда Тукаевларның Кушлавычтагы музей-йорты экспозициясе өчен электрон шәҗәрә төзегәндә музей хезмәткәрләре тарафыннан шагыйрьнең нәсел җепләре өйрәнелде. Шул вакытта Г.Тукайның әтисе ягыннан 120, әнисе ягыннан 90 туганы барлыгы ачыкланды.

Г.Тукай әдәби музеенда шагыйрьнең варислары әле бер тапкыр да җыелмаган иде. Шуңа күрә дә музей хезмәткәрләре, шагыйрьнең иҗатын сөючеләр һәм өйрәнүчеләр ... Алга таба укырга »

Габдулла Тукай исемендәге татар дәүләт филармониясе дини чара оештырды. Казаныбызның Ш.Мәрҗәни мәчетендә Габдулла Тукай, Усман Әлмиев, Айрат Арслановлар рухына Коръән уку мәҗлесе булып узды. Филармония тарафыннан беренче тапкыр оештырылучы чарада сәнгать ветераннары катнашты.

Апрель ае татар халкының күп кенә мәшһүр шәхесләре туган ай. 1886 елның 26 апрелендә бөек шагыйребез Габдулла Тукай дөньяга килә, 1913 елның 15 апрелендә бакыйлыкка күчә (Татар филармониясе 1946 елдан бөек шагыйрнең исемен йөртә). Татарстанны ... Алга таба укырга »

Ямьле яз айлары белән кабат Тукай кайтты. Апрель ае җитү белән бар төбәкләрдә шигырь бәйрәмнәре, Тукай көннәре уза. Ул иҗат иткән сихри әсәрләр менә инде күпме еллар халкыбыз күңелендә бер моң булып яши.
Китапханәләребездә дә татар халкының горурлыгы булган Габдулла Тукайның иҗатын тирәнтен өйрәнү, аның шәхесе үрнәгендә яшь буынны тәрбияләү юнәлешендә эзлекле эш алып барыла. Бу айда Чаллы шәһәренең үзәк китапханәсендә дә һәр елны Тукай атналыгы игълан ителә. Әлеге атналык кысаларында төрле чаралар үткәрелә.

... Алга таба укырга »

Иртәгә, 24 апрельдә, Казанда "Сәләт" йортында (Островский урамы 23) Габдулла Тукайның туган көне уңаеннан бәйрәм чарасы уздырыла.

Татар әдәбияты өлкәсендәге талантлы балалар һәм яшьләрне ачыклау, аларга ярдәм күрсәтү максатыннан уздырылучы бәйрәм программасына – "Сәләткә нур булган йолдызлар" республика бәйгесе җиңүчеләренең танылган язучы һәм мәдәният хезмәткәрләре белән очрашуы, шигырь укучылар конкурсы, аларны бүләкләү кебек чаралар кергән.
"Сәләткә нур булган йолдызлар" әдәби республика конкурсы - "Сәләт" яшьләр оешмасының өстенлекле проектының берсе. Максаты – мәктәп укучылары һәм студентларда әдәбиятка карата кызыксыну уяту, сәләтләрен ачыклау.

Ә шигырь укучылар конкурсы Бөек Җиңүнең 70 еллыгына багышлана.

... Алга таба укырга »

Бүген Казанның Иске Татар бистәсендә “Тукай укулары” старт алды. Программага китап ярминкәсе, түгәрәк өстәл һәм ветераннар белән очрашу да кергән.

Бүген Г.Тукай исемендәге әдәби музейда сугышта катнашучылар һәм тыл хезмәтчәннәре белән очрашу уза. Ветераннар өчен хәрби оркестр концерты, шулай ук музей буенча экскурсия әзерләнгән.

Иртәгә, 23 апрельдә 10:00 сәгатьтә Г.Тукай әдәби музеенда “Тукай укулары” түгәрәк өстәле узачак.

Мәдәни программа 24 апрельдә, ягъни Бөтендөнья китап көнендә тәмамланачак. Бу көнне музейда китап ярминкәсе ачыла, ярминкәдә яңа китаплар тәкъдим ителәчәк, дип уртаклаша шәһәр мэриясенең рәсми порталы.

Мондый мөмкинлекне «Татарстан музейлары язы 2015» акциясе бүләк итә. Бу атнада республикабызның әйдәп баручы музейханәләре белән генә түгел, ә районнарда урнашкан ядкарханә экспозицияләре белән дә ирекле рәвештә танышырга менә дигән форсат.

Бүген «Татарстан музейлары язы» дип исемләнгән II музейара акция башланып китте. Акция икенче ел гына оештырылуына карамастан, халыкта шактый зур кызыксыну уятырга да өлгерде. Акция барышында күпбалалы гаиләләр, студентлар, өлкән буын вәкилләре дә музейларыбызны үз итеп өлг ... Алга таба укырга »

20-24 апрель көннәрендә Казанда Марсель Сәлимҗанов исемендәге Актерлар йортында шигырь укучылар җыела. Биредә Габдулла Тукай исемендәге V Бөтенроссия бәйгесенең финал турлары уза.

Проект авторлары хәбәр иткәнчә, бәйге Бөек Ватан сугышында Җиңүнең 70 еллыгына багышлана. Шигырь укучылар жюри әгъзаларына татар яки рус телләрендә татар әдипләренең Бөек Ватан сугышы турындагы шигырь яки проза әсәрләрен укыячак. Бәйге - шагыйрь Рәзил Вәлиев иҗатыннан “Сез кайсы халыктан? - дисәләр, Батырлар исемен атадым” шигъри юллары белән атала.

Бәйгедә катнашу өчен Татарстан Республикасы, Мәскәү, Красноярск, Омск, Сарытау, Пенза, Свердлау өлкәсе, Удмуртия, Мари Иле, Башкортстан республикаларында яшәүчеләрдән 250 артык гариза кабул ителде. Шигырь укучылар арасында 7 яшьлек балалар, театр һәм музыка училищесы, югары уку йортлары студентлары да бар. Бәйге 24 апрельдә М.Сәлимҗанов исемендәг ... Алга таба укырга »