Татарстан Фәннәр академиясенең Татар энциклопедиясе һәм төбәкне өйрәнү институтында “Габденнасыйр Курсави: дини мирас һәм татар мәгърифәтчелеге” дип аталган республикакүләм фәнни конференция үткәрелде. Ул дин галиме Г.Курсавиның тууына 260 ел тулу уңаеннан үткәрелде.
Курсавига багышланган җыенда галимнең мирасын өйрәнү һәм популярлаштыру, 2016 елда узачак 260 еллык юбилеена әзерлек чараларын башлау мәсьәләләре күтәрелде.

Конференциядә Татарстан мөфтие беренче урынбасары Рөстәм хәзрәт Батров, нәзарәтнең дәгьват бүлеге җитәкчесе Нияз хәзрәт Сабиров һәм Голәмәләр шурасы әгъзасы Габдулла хәзрәт Әдһәмов катнашты. Җыенда галимнәр, дәүләт структуралары һәм иҗтимагый оешма вәкилләре бар иде. Аерым алганда, мөфтият вәкилләре конференциядә катнашучылар каршында Курсавиның Идел буе төбәгендә тәфсир традицияләрен дәвам итүе турында, шамаилләр мисалында татар халкының рухи мирасын яңарту темаларына чыгыш ясадылар ... Алга таба укырга »

18 июньдә 20.00 сәгатьтә Кабан арты мәчете территориясендә (Казан шәһ., Һ.Такташ ур., 26 йорт) “Рамазан чатыры” исемле чара оештырыла. Биредә казанлылар мөселманнарның кунакчыллыгын күреп, аларның күпгасырлык мәдәнияты белән таныша алачак.

Бәйрәм ачылышында Татарстан Мөфтие Камил хәзрәт Сәмигуллин, Республика Хөкүмәте һәм Казан шәһәре мэриясе, Россиянең традицион конфессия башлыклары чыгыш ясаячак. Рамазан ае турында музыкаль номерлар, уразага багышланган видеоматериал тәкъдир итү көтелә, дип хәбәр итә проект авторлары.

Чакырылган кунаклар арасында – Татарстан Президенты Р.Н. Миңнеханов, Казан шәһәре мэры И.Р.Метшин, Республиканың Хөкүмәт һәм Дәүләт Советы әгъзаләре, муниципаль берәмлекләр вәкилләре, мөселман дәүләтләре консуллары, милли республикаларның вәкаләтле вәкилләре, мәдәният һәм сәнгать әһелләре, сәясәтчеләр, табиблар, спортчылар һ.б.

... Алга таба укырга »

20 июнь көнне Мәскәүдә Әсадуллаев йортында язучы Гали Еники (Гали Еникиев) белән очрашу узачак. Анда аның яңа гына өстәмә белән басылган “Татарлар мирасы” (“Наследие татар”) китабы тәкъдим ителәчәк. Бу хакта МТСС сайты хәбәр итә.

Гали Еникиев татарлар тарихы хакында дистәләгән китап язган автор. Аның “Чингиз-хан и татары: мифы и реальность”, “Корона ордынской империи”, "По следам черной легенды: правда и ложь о татарах России: истоки, причины, авторы" китаплары бар. Очрашу азагында ифтар уздыру ниятләнә.

Ленар Сөләйманов

http://tatarile.org/news/tt/node/5341